نيوزيلينڊ جي ڪرڪيٽر جمي نيشم سينٽرل ڪانٽريڪٽ جي آڇ کي ٿڏي ڇڏيو آهي. ميڊيا مطابق آل رائونڊر جمي نيشم اوورسيز ڊوميسٽڪ ليگز ۾ مصروفيتن سبب سينٽرل ڪانٽريڪٽ جي آڇ کي رد ڪيو آهي. ان حوالي سان جمي نيشم بيان جاري ڪندي چيو آهي تھ ڪانٽريڪٽ فهرست ۾ نالو نھ هجڻ ڪري ليگز سان معاهدا ڪيا، تنهنڪري اهي پورا ڪبا، اهو ئي سبب آهي جو مون سينٽرل ڪانٽريڪٽ کي رد ڪيو آهي. هوڏانهن ڪرڪيٽ نيوزيلينڊ جي بيان ۾ چيو ويو آهي تھ جمي نيشم جڏهن بھ دستياب هوندو، سندس سليڪشن تي غور ڪيو ويندو. واضع رهي تھ ٽرينٽ بولٽ ۽ ڪولن ڊي گرينڊهوم جي وڃڻ بعد فن ايلن ۽ بليئر ٽڪنر کي ڪانٽريڪٽ ۾ شامل ڪيو ويو آهي.
