ڪراچي: پاڪستان ڪرڪيٽ ٽيم جي وڪيٽ ڪيپر بيٽسمين محمد رضوان جون سندس ڌيئرن سان گڏ ڪجهه وڊيوز اڄڪلهه سوشل ميڊيا تي وائرل آهن، جن ۾ ڪپتان بابر اعظم به موجود آهي. پاڪستان ۽ انگلينڊ وچ ۾ چوٿين ٽي ٽوئنٽي ميچ کانپوءِ رضوان جي ڌيئرن سان گڏ هڪ ٻي وڊيو سامهون آئي جنهن ۾ ڌيئرن مين آف دي ميچ جي ايوارڊ تي سوال ڪيا.
وڊيو ۾ رضوان ڪپتان بابر کي ٻڌائي رهيو آهي ته سندس ڌيئرن پڇيو ته ڪپ ڪنهن کي مليو، مون ٻڌايو ته اهو ڪپ حارث رئوف کي مليو آهي؟ محمد رضوان ڳالهه جاري رکندي چيو ته ڌيئرن پوءِ پڇيو ته حارث رئوف کي ڇو مليو؟ جنهن تي مون چيو ته مون خراب بيٽنگ ڪئي، ڌيئرن چيو ته توهان خراب بيٽنگ ڇو ڪئي؟ رضوان جي ڌيئرن سان گڏ وڊيو سوشل ميڊيا تي ڪافي مقبول ٿي رهي آهي، جنهن تي صارفين دلچسپ تبصرا ڪري رهيا آهن.
