پاڪستان ڄائي ڏکڻ آفريقي ڪرڪيٽر عمران طاهر اعتراف ڪيو آهي تھ پاڪستان جي ڪرڪيٽ ٽيم پراسرار آهي، جيڪا وڏا ايونٽ سٺي نموني سان کيڏندي آهي. ميڊيا سان ڪيل ڳالهه ٻولهه ۾ هن جو چوڻ هو تھ پاڪستان جي مڊل آرڊر ۾ گهٽتائي آهي، اميد تھ ان کوٽ کي ختم ڪرڻ تي ڪم ڪيو ويندو. هن جو چوڻ هو تھ ٽي 20 ورلڊ ڪپ ۾ پاڪستان سان ڏکڻ آفريقا جو مقابلو سٺو ثابت ٿيندو. هن چيو تھ ڪيريئر جي شروعاتي ڏينهن ۾ مون محرومين کي منهن ڏنو، ڇاڪاڻ تھ سيکارڻ وارو ڪوبھ نھ هو، عالمي ڪرڪيٽرن سان ملڻ جو موقعو مليو تھ انهن کان گهڻو ڪجهه سکيو. هن چيو تھ خواهش آهي تھ نوجوانن سان ائين نھ ٿئي.
