ڀارت جي ويمن ڪرڪيٽ ٽيم ويمن ايشيا ٽي 20 ڪپ جي اهم مقابلي ۾ بنگلاديش کي 59 رنسن تان شڪست ڏئي ڇڏي آهي. ميڊيا مطابق ڀارتي ويمن ٽيم 5 وڪيٽن جي نقصان تي 159 رنسون ٺاهي بنگلاديش کي هدف ڏنو، جنهن ۾ شيفالي ورما 55، ڪپتان سمرتي منڌنا 47 ۽ جميما رودريج 35 رنسن جي اننگز کيڏي نمايان رهيون. جڏهن تھ بنگلاديش جي رومانا احمد 3 وڪيٽن سان پاڻ ملهايو. هوڏانهن بنگلاديش ويمن ٽيم 7 وڪيٽون وڃائي 100 رنسون ٺاهي سگهي، جنهن ۾ ڪپتان نگار سلطانا 36 ۽ فرجانا حق 30 رنسن سان نمايان رهيون. ڀارتي بالرن مان دپتي شرما ۽ شيفالي ورما 2،2 وڪيٽون ورتيون.
