ڀارت جي ويمن ڪرڪيٽ ٽيم ويمن ايشيا ڪپ جي ميچ ۾ ٿائيلينڊ کي شڪست ڏئي ڪاميابين جو سلسلو جاري رکيو آهي. ميڊيا مطابق ويمن ڪرڪيٽ جي وڏي ايونٽ ۾ ڀارتي ٽيم 9 وڪيٽن تان ڪاميابي ماڻي ورتي آهي. ٿائيلينڊ جي سڄي ٽيم 37 رنسن تي آئوٽ ٿي وئي، جنهن ۾ 6 بيٽر ڊبل فگر ۾ نھ آيون ۽ 3 بيٽر ٻڙي تي آئوٽ ٿيون، رڳو نيناپت 12 رنسن سان نمايان رهي. هوڏانهن ڀارتي بيٽرن 6 اوورن ۾ 42 رنسن سان هدف ماڻيورتو، جنهن ۾ شيفالي ورما 8 رنسن تي آئوٽ ٿي وئي. جڏهن تھ سبينيني ميگهنا 20 ۽ پوجا واستريڪر 12 رنسن تي ناٽ آئوٽ رهيون، بالرن مان سنيها رانا 3، دپتي شرما ۽ راجيشواري گائيڪواڙ 2،2 وڪيٽون ورتيون.
