ڀارتي ٽيم ايندڙ سال پاڪستان اچڻ کان لنوائڻ لڳي

ايشيا ڪپ جي ايندڙ سال واري ايونٽ جي ميزباني پاڪستان وٽ هجڻ سبب ڀارتي ٽيم هن وقت کان ئي پاڪستان اچڻ کان لنوائڻ شروع ڪيو آهي، جنهن بابت حتمي فيصلو ڀارتي حڪومت ڪندي. ميڊيا مطابق ممبئي حملن بعد ڀارتي حڪومت پنهنجي ٽيم پاڪستان موڪلڻ کان لاڳيتو انڪار ڪندي رهي آهي، جنهن سبب سريلنڪا ۾ رٿيل ايونٽ جو متبادل يو اي اي ڏنو ويو، جنهن مان اشارو ملي رهيو آهي تھ ڀارتي ٽيم پاڪستان اچڻ کان ٻيهر انڪار ڪري سگهي ٿي. بي سي سي آئي جي هڪ عهديدار ٻڌايو تھ حتمي فيصلو سندن حڪومت ڪندي.