سيمي فائنل جي فاتح ڪپتان بابر اعظم چيو آهي ته اسان فائنل ۾ پهچي ويا آهيون، هاڻي تنقيد ڪندڙ به ٽيم جي ڪاميابي جو مزو وٺن. نيوزيلينڊ کي شڪست ڏيڻ بعد ميڊيا سان ڳالهائيندي بابر اعظم چيو ته اسان اها رٿابندي ڪئي هئي ته مئچ جي شروعاتي 6 اوورن ۾ ئي مومينٽم ٺاهينداسين ۽ مقصد ۾ ڪامياب رهياسين، اڄ بالرن سٺي ڪارڪردگي ڏيکاري، هاڻي سڀ گڏجي فائنل لاءِ رٿابندي ٺاهينداسين. هن چيو ته فائنل ۾ ڀلي ڪير به سامهون هجي، اسان پنهنجي 100 سيڪڙو ڪارڪردگي ڏيکارينداسين، ورلڊ ڪپ جي شروعات سٺي نه رهي، ڪرڪيٽ ۾ هيٺ مٿي ٿيندو رهندو آهي، يقين هو ته واپسي ڪنداسين، ڀروسو برقرار رکڻ تي ٽيم انتظاميا جو ٿورائتو آهيان. ڪپتان وڌيڪ چيو ته اسان ڪاميابي کي انجواءِ ڪري رهيا آهيون، تنقيد مون تي نه ٽيم تي ڪئي ويندي آهي، مون تي تنقيد جو مطلب ٽيم تي تنقيد آهي، تنقيد ڪندڙ به ڀلي مزو ڪن.
