پاڪستان ۽ انگلينڊ جي ڪرڪيٽ ٽيمن وچ ۾ آچر ڏهاڙي تي رٿيل ٽي 20 ورلڊ ڪپ جي فائنل واري ڏينهن توڙي سومر وارو رکيل ريزروو ڏهاڙي تي ميلبورن ۾ برساتن جي 95 سيڪڙو اڳڪٿي ڪئي وئي آهي، جنهن سبب آئي سي سي متبادل حتمي فيصلا ڪري ورتا آهن. رپورٽ موجب آئي سي سي ناڪ آئوٽ مرحلن ۾ برسات جي امڪان سبب ريزروو ڏينهن رکيو هو، پر ٻئي سيمي فائنل مقرر وقت تي ٿي ويا، پر هاڻ موسميات جي شعبي فائنل واري ڏينهن آچر ۽ ريزروو ڏينهن سومر تي ميلبورن ۾ برساتن جي اڳڪٿي ڪئي آهي، تنهنڪري فيصلو اهو ٿيو آهي تھ ٻنهي ڏينهن تي برسات جي صورت ۾ پاڪستان ۽ انگلينڊ ٽي 20 ورلڊ ڪپ جا گڏيل چيمپيئن ڊڪليئر ڪيا ويندا. جڏهن تھ قانون ۾ تبديلي آڻي 2 ڪلاڪ اضافو پڻ ڏنو ويو آهي.
