فيفا جي فٽبال ورلڊ ڪپ جي ميلي ۾ تماشائين جي وڏي تعداد فلسطين جا جهنڊا کڻي جهولائي ورتا آهن. ميڊيا مطابق قطر ۾ جاري مقابلن دوران مختلف عرب ملڪن جي شوقينن اسرائيل خلاف احتجاج فلسطيني جهنڊا کڻي ڪيو ۽ فلسطيني شهرين سان يڪجهتي جو اظهار ڪيو آهي. هوڏانهن دوحا ۾ تماشائين کان تبصرا وٺڻ دوران اسرائيلي صحافي جي شهريت بابت ٻڌائڻ تي کيس فلسطين جي رياست جي ڄاڻ ڏني وئي،
صحافي چيو تھ مان اسرائيل مان آهيان، تماشائين کيس چيو تھ اهو فلسطين آهي، فلسطين ئي چئي ٻڌائي. جڏهن تھ لبنان، مرڪش ۽ ٻين عرب ملڪن جي شهرين ميچ دوران فلسطين جا جهنڊا کڻي بحث ڪيا تھ فلسطين جلد آزاد ٿي ويندو.
