برازيل فيفا ورلڊ ڪپ جي گروپ اسٽيج جي سڀ کان وڌيڪ ميچن ۾ ناقابل شڪست ٽيم بڻجي وئي

لنڊن: فيفا ورلڊڪپ جي گروپ جي جي ميچ ۾ برازيل، سوئيٽزرلينڊ کي هڪ ٻڙي تان شڪست ڏئي ورلڊڪپ جي پري ڪوارٽر فائنل لاءِ ڪواليفائي ڪري ورتو آهي، برازيل جي ٽيم 2 ميچن ۾ 6 پوائنٽن سان گروپ ۾ پهرين نمبر تي آهي. گروپ ميچ ۾ سوئيٽزرلينڊ خلاف فتح کانپوءِ برازيل ورلڊ ڪپ ۾ نئين تاريخ رقم ڪري ڇڏي آهي. برطانوي نشرياتي اداري موجب برازيل ورلڊ ڪپ جي گروپ اسٽيج جي سڀ کان وڌيڪ ميچن ۾ ناقابل شڪست ٽيم بڻجي وئي آهي. برازيل 2002 کان 2022 تائين 6 ورلڊ ڪپ جي 17 گروپ اسٽيج ميچن ۾ ناقابل شڪست رهيو آهي.