فيفا ورلڊ ڪپ جي ميگا ايونٽ دوران تماشائين جي ترتيب ڏنل فين ٽرافي جا مقابلا پڄاڻي تي پهچي ويا آهن، جنهن جو فائنل پولينڊ جي تماشائين واري ٽيم کٽي ورتو آهي. ميڊيا مطابق فٽبال ورلڊ ڪپ جي ميگا ايونٽ دوران ڊليوري اينڊ ليگيسي جي سپريم ڪاميٽي جي ميزباني ۾ سائيڊ لائين ايونٽ ڪرايو ويو، جنهن ۾ فيفا ورلڊ ڪپ جي ڪواليفائر 32 ملڪن جا تماشائي پنهنجي پنهنجي ٽيم ٺاهي شريڪ ٿيا. جڏهن تھ ميچن جو فارميٽ ساڳيو قطر ورلڊ ڪپ وارو رکيو ويو، پر ايونٽ چار ڏينهن جاري رهيو. ميزباني قطر کي ڏني وئي، جنهن دوران فائنل ۾ پولينڊ سربيا کي ٻڙي جي ڀيٽ ۾ 4 گول ڪري شڪست ڏئي ٽرافي پنهنجي نالي ڪري ورتي آهي.
