لاهور: پاڪستان ڪرڪيٽ بورڊ آسٽريليا جي دوري ۽ آءِ سي سي وومين ٽي-20 ورلڊ ڪپ لاءِ قومي وومين اسڪواڊ جو اعلان ڪري ڇڏيو آهي. آسٽريليا جي دوري ۽ ورلڊ ڪپ لاءِ 15 رڪني وومين اسڪواڊ جو اعلان ڪيو ويو آهي، فاسٽ بالر ڊيانا بيگ جي واپسي ڪئي وئي آهي، جڏهن ته طوبيٰ حسن ۽ سعديه اقبال کي به صحتياب ٿيڻ بعد اسڪواڊ جو حصو بڻايو ويو آهي. پاڪستان وومين ٽيم جنوري ۾ آسٽريليا ۾ وائيٽ بال سيريز کيڏندي ۽ وومينز ٽي-20 ورلڊ ڪپ 10 کان 26 فيبروري تائين ڏکڻ آفريڪا ۾ کيڏيو ويندو. آسٽريليا ۾ ون ڊي سيريز لاءِ اسڪواڊ ۾ ڪپتان بسمه معروف، عاليه رياض، عائشه نسيم، ڊيانا بيگ، فاطمه ثناءُ، غلام فاطمه، ڪائنات امتياز، منيبا علي، ناصره سنڌو، ندا ڊار، عمائمه سهيل، صدف شمس، سعديه اقبال، سدرا امين ۽ سدرا نواز شامل آهن، جڏهن ته ايمن انور، جويريا خان ۽ طوبى حسن کي ٽريولنگريزرو ۾ رکيو ويو آهي.
