پاڪستان ۽ نيوزيلينڊ جي ڪرڪيٽ ٽيمن وچ ۾ پنجون ۽ آخري ٽي 20 ميچ اڄ رات 9 وڳي کيڏيو ويندو، جنهن جون سموريون ٽڪيٽون آن لائن وڪرو ٿي ويون آهن. ميڊيا مطابق ٻنهي ملڪن جي ٽيمن وچ ۾ هن مهل تائين 3 ميچ کيڏيا ويا آهن، جن مان 2 پاڪستان ۽ هڪ نيوزيلينڊ جي ٽيم کٽي چڪي آهي. جڏهن تھ چوٿون ميچ برسات سبب بنا نتيجي ختم ڪيو ويو هو. هوڏانهن اڄوڪي ميچ جي حوالي سان ٻنهي ٽيمن جي ڪپتان ڪاميابي جو عزم ڪيو آهي. جڏهن تھ پاڪستان ميچ کٽي سيريز پنهنجي نالي ڪرڻ ۽ نيوزيلينڊ فتح ماڻي سيريز برابر ڪرڻ جي ڪوشش ڪندي. هوڏانهن اڄ رات رٿيل ٽي 20 ميچ جون سموريون ٽڪيٽون آن لائن وڪرو ٿي ويون آهن.
