پاڪستان ڪپ ويمن جي فيز 2 وارن مقابلن ۾ پي سي بي ڊائنامائيٽس 78 رنسن تان پي سي بي بلاسٽرز کي شڪست ڏئي ڇڏي آهي. ميڊيا مطابق پي سي بي ڊائنامائيٽس 4 وڪيٽن تي 214 رنسون ڪيون، جنهن ۾ سدران امين 95 رنسن تي نروس نائنٽينز جو شڪار ٿي آئوٽ ٿي وئي، سندس ساٿ ۾ بسما معروف بھ 65 رنسن جي شاندار اننگز کيڏي آهي. جڏهن تھ عاليا رياض 21 رنسون ٺاهيون، جنهن جي موٽ ۾ پي سي بي بلاسٽرز جي ٽيم 136 رنسن تي آئوٽ ٿي وئي، جنهن ۾ منيبا علي 33 ۽ عائشا ظفر 30 رنسن سان نمايان رهيون، باقي بيٽرن مان 6 ڄڻيون سنگل ڊجيٽ ۾ واپس هليون ويون.
