پاڪستان ۽ ڀارت وچ ۾ ايونٽ جي ميزباني تي ٿيل تڪرار ۾ شدت بعد سريلنڪا ايشيا ڪپ لاءِ پنهنجا ميدان ڏيڻ جي آڇ ڪري ڇڏي آهي. ميڊيا مطابق ڀارت جي لاڳيتو انڪار بعد 6 ٽيمن جي چيمپيئن شپ واري ايونٽ لاءِ سريلنڪا اڳيان اچي ويو آهي. سريلنڪن بورڊ پاران ميزباني جي آڇ بعد ايندڙ هفتي اي سي سي جي اجلاس ۾ حتمي فيصلو ٿيندو. ان حوالي سان سريلنڪن ڪرڪيٽ بورڊ جو چوڻ آهي تھ اسين گهٽ وقت باوجود ايونٽ جي ميزباني ڪرڻ لاءِ تيار آهيون، هاڻ فيصلو اي سي سي ڪري. بورڊ اختيارين جو چوڻ آهي تھ موجودا صورتحال ۾ هڪ ئي جڳهه مناسب آهي، بي سي سي آئي سان ان معاملي تي ڳالهائڻ وڃي رهيا آهيون. ياد رهي تھ بي سي سي آئي پاران هائبرڊ ماڊل کي تسليم ڪرڻ کان انڪار بعد صورتحال ۾ تبديلي اچي وئي آهي، جنهن بعد سريلنڪا ميزباني جي آڇ ڪئي آهي.
