ڀارتي ميڊيا هڪ ٻي دعوا ڪندي چيو آهي تھ چيمپيئنز ٽرافي 2025ع بھ پاڪستان مان منتقل ڪيو ويندو. ڀارتي ميڊيا جي هڪ مشهور چينل پنهنجي رپورٽ ۾ ڄاڻايو آهي تھ آئي سي سي پاران وڏي ايونٽ کي ويسٽ انڊيز يا آمريڪا ۾ منتقل ڪرڻ جا امڪان وڌي ويا آهن. رپورٽ ۾ چيو ويو آهي تھ چيمپيئنز ٽرافي جو هنڌ تبديل ڪرڻ جي صورت ۾ پاڪستان کي گهڻو معاوضو بھ ملي سگهي ٿو. جڏهن تھ ان حوالي سان ميڊيا حقن لاءِ براڊ ڪاسٽرز تجويز سان اتفاق ڪري ورتو آهي، جنهن بابت اسٽيڪ هولڊرز ۾ ڳالهين جا اطلاع مليا آهن. رپورٽ ۾ چيو ويو آهي تھ ٽي 20 ورلڊ ڪپ بھ اسڪاٽ لينڊ يا آئرلينڊ منتقل ڪرڻ تي غور ٿي رهيو آهي، جنهن جو حتمي فيصلو جولائي ڌاري ڊربن ۾ آئي سي سي جي رٿيل اجلاس ۾ ٿيندو.
