پاڪستاني ڪرڪيٽ ٽيم جي هيڊ ڪوچ گرانٽ بريڊ برن قومي ڪرڪيٽ ٽيم جي لاءِ ورلڊ ڪپ ۽ ٽيسٽ چيمپيئن شپ کي هدف بڻائي ورتو آهي. لاهور ۾ اسپنرز جي ٽريننگ ڪيمپ دوران ميڊيا سان ڳالهائيندي هن ٻڌايو تھ ٽيم ۾ بهتري ايندي، ڀارت ۾ رٿيل ورلڊ ڪپ جي ٽرافي کٽڻ کي ايندڙ هدف بڻائي ورتو آهي. جڏهن تھ ٽيسٽ چيمپيئن شپ جي فائنل ۾ پنهنجي ٽيم کي پهچائڻ جو هدف رکي ٽريننگ کي اڳتي وڌايو آهي. ڪرڪيٽرن جي ليگز کيڏڻ سبب ورڪ لوڊ بابت سوال جي جواب ۾ گرانٽ بريڊ برن جو چوڻ هو تھ شاهين آفريدي سميت سمورن ڪرڪيٽرن جي ورڪ لوڊ تي نظر رکي ويٺا آهيون، اسين سندن فٽنيس تي ڌيان ڏيون پيا. هن چيو تھ اسان کي پنهنجي ڪرڪيٽ کي هر شعبي ۾ بهتر ڪرڻو آهي، بيٽرز جو اسپنرز آڏو کيڏڻ اهم ڳالهه هوندي، جنهن لاءِ ڪيمپ پڻ لڳائي وئي آهي.
