انگلش ٽينس اسٽار بولٽر ۽ جوڊي ناٽنگهم فائنل کيڏنديون

ناٽنگهم اوپن ٽينس ٽورنامينٽ جي فائنل ۾ انگلينڊ جون رانديگرياڻيون ڪيٽي بولٽر ۽ جوڊي بوريج وچ ۾ مقابلو ٿي رهيو آهي، جن مان ڪنهن هڪ وٽ ٽرافي ويندي. ميڊيا مطابق انگلينڊ جي ڪيٽي بولٽر پهرين سيمي فائنل ۾ هم وطن هيٿر واٽسن کي هارائي فائنل ۾ جڳهه ٺاهي آهي. جڏهن تھ جوڊي بوريج جي ٻئي سيمي فائنل ۾ فرينچ رانديگرياڻي ايلز ڪورنيٽ کي شڪست ڏئي فائنل ۾ پهتي آهي، جنهن بعد فائنل جي ويڙهه هاڻ جوڊي بوريج ۽ ڪيٽي بولٽر وچ ۾ ٿيندي.