پاڪستان جي قومي ويمن فٽبال جي گول ڪيپر شمائلا ستار کي جناح هائوس تي حملو ڪيس ۾ گرفتار ڪري ورتو آهي. ميڊيا مطابق عورت فٽبالر شمائلا ستار کي پوليس لاهور مان گرفتار ڪيو آهي. ان کان اڳ هلندڙ جاچ دوران جيوفينسنگ ۾ سندس نالو حتمي فهرست ۾ سامهون آيو هو. پوليس ذريعن موجب جناح هائوس جي ٻاهران لڳل ڪيمرائن ۽ موبائيل فوٽيجز ذريعي ٿيندڙ جاچ بعد پوليس ڪاروائي ڪئي. جڏهن تھ شمائلا ستار خلاف جاچ باقائدا شروع ڪئي وئي آهي، ذريعن موجب جناح هائوس ۾ ڀڃ ڊاهه جي ڪيس ۾ پوليس سندس گهر تي بھ ڇاپو هنيو هو. پوليس ذريعن جو چوڻ آهي تھ ٽيم ۾ گول ڪيپر طور شامل شمائلا کي گرفتاري بعد جوڊيشل رمانڊ تي جيل موڪليو ويو آهي.
