پي سي بي جي چيئرمين واري اليڪشن ۾ ذڪا اشرف جي چونڊ ۾ رڪاوٽون پوڻ جو انڪشاف سامهون آيو آهي. ميڊيا مطابق ذريعن ٻڌايو تھ پي سي بي مينيجمينٽ ڪاميٽي جي چيئرمين نجم سيٺي مدو پورو ٿيڻ بعد نيشنل اڪيڊمي جي ڊائريڪٽرس، ڊپارٽمينٽس جي هيڊ ۽ ساٿي آفيشلز سان ملاقات اهم ڪئي، ذريعن موجب ملاقات ۾ سيٺي سمورن سربراهن کي سندس پراجيڪٽس جاري رکڻ تي بھ زور ڀريو ۽ هدايت ڪئي تھ ياد رکو، وقت بدلجندي دير ناهي ٿيندي. ذريعن جو چوڻ آهي تھ ڪجهه آفيشلز اليڪشن ۾ دير ڪرائڻ جو مشورو ڏنو، هوڏانهن چيئرمين طور ذڪا اشرف جي چونڊ جي صورت ۾ هڪ قانوني جنگ ڇڙڻ جا ذڪر پڻ ٿي رهيا آهن، تنهنڪري معاملو ڪجهه ٻيو رخ وٺي سگهي ٿو.
