سريلنڪا جي ڪرڪيٽ ٽيم ورلڊ ڪپ ڪواليفائر ۾ زمبابوي کي 9 وڪيٽن تان شڪست ڏئي ڪواليفائي ڪري ورتو آهي. ميڊيا مطابق ورلڊ ڪپ ڪواليفائر ۾ زمبابوي جي ٽيم 165 رنسن تي آئوٽ ٿي وئي، جنهن ۾ سين وليمز 56 رنسن سان نمايان رهيو، سڪندر رضا 31، ريان بري 16 رنسون ڪيون، 3 بيٽر ٻڙي تي واپس ويا، سريلنڪا جي بالر مهيش ٺيڪشانا 4 شڪار ڪيا، ڊلشان مدوشانڪا 3، مٿيشا پٿيرانا 2 وڪيٽون ورتيون. هوڏانهن سريلنڪا جي ٽيم پيٿم نشانڪا جي 101 رنسن جي شاندار اننگز سان رڳو هڪ وڪيٽ تي 169 رنسن سان هدف ماڻي ورتو. جڏهن تھ ڊيموٿ ڪرونارتني 30 ۽ ڪوشل مينڊس 25 رنسون ٺاهي ڪردار ادا ڪيو آهي.
