فٽبال ڪلب ملوال جو مالڪ بيرلسن ڪار حادثي ۾ فوت

انگلينڊ جي مشهور فٽبال ڪلب ملوال جو مالڪ ۽ چيئرمين جان بيرلسن ڪار جي هڪ حادثي ۾ فوت ٿي ويو آهي. ميڊيا مطابق برطانوي پوليس جان بيرلسن جي حادثي ۾ موت جي تصديق ڪندي چيو آهي تھ جان بيرلسن سفر دوران ڪار وڻ سان ٽڪرائجڻ سبب شديد زخمي ٿيو، جنهن کي علاج خاطر اسپتال آندو پئي ويو، پر رستي ۾ زندگي وڃائي ويٺو آهي. پوليس جو چوڻ آهي تھ ڪار سان حادثو تيز رفتاري سبب ٿيو، جان بيرلسن اڪيلو ئي ڪار ۾ سوار هو. پوليس موجب واقعي جي اڃا جاچ بھ هلي پئي، تنهنڪري حتمي طور ڪجهه نٿو چئي سگهجي.