ڀارت ويمن ۽ بنگلاديش ويمن ۾ آخري ون ڊي بنا نتيجي ختم

ڀارت ويمن ۽ بنگلاديش ويمن وچ ۾ آخري ون ڊي بنا نتيجي ختم ٿي ويو آهي، جنهن سان ٽن ميچن واري سيريز پڻ برابر ٿي وئي آهي. ميڊيا مطابق بنگلاديش ويمن 4 وڪيٽن تي 225 رنسون ٺاهيون، جنهن ۾ فرجانا حق سينچري ڪندي 107 رنسن سان نمايان رهي، شميم سلطانيا 52 رنسون ٺاهيون، جڏهن تھ ڀارت ويمن ٽيم آخري بال تي 225 رنسون ٺاهي آئوٽ ٿي وئي، جنهن سبب ميچ بنا نتيجي ختم ٿي وئي، جنهن ۾ هرلين ديول 77، سمرتي مندنا 59 رنسن سان نمايان رهيون، بنگلاديشي بالر ناهيد اختر 3 شڪار ڪيا آهن.