پاڪستان جي قومي ڪرڪيٽ ٽيم ورلڊ ٽيسٽ چيمپيئن شپ ۾ نمبر ون بڻجي وئي آهي. ميڊيا مطابق آئي سي سي نئين رينڪنگ جاري ڪئي آهي، جنهن ۾ پاڪستان جي قومي ٽيم ڀارتي ٽيم کي ٻي پوزيشن ڏي ڌڪي ڇڏيو آهي. آئي سي سي موجب پاڪستان گال ٽيسٽ ۾ 4 وڪيٽن تان ڪاميابي سبب 12 پوائينٽس سان ٽاپ تي آهي، جنهن جي پرفارمنس 100 سيڪڙو آهي. اهڙي ريت ڀارت 66.67 سيڪڙو سان ٻي، آسٽريليا 54.17 سيڪڙو تي ٽين، انگلينڊ 29.17 سيڪڙو سان چوٿين پوزيشن تي ديرو ڄمايو آهي. جڏهن تھ بنگلاديش، نيوزيلينڊ، ڏکڻ آفريقا ۽ سريلنڪا ڪابھ ٽيسٽ ميچ نھ کٽڻ سبب رينڪنگ کان ٻاهر رهيا آهن. ياد رهي تھ پاڪستان گال ٽيسٽ ۾ شاندار راند ذريعي سريلنڪا کي شڪست ڏني هئي.
