پي سي بي ڪوچز جي فوري طور تبديلي جو تاثر رد ڪري ڇڏيو

پي سي بي سوشل ميڊيا تي ڪوچز جي فوري طور تبديلي جو تاثر رد ڪري ڇڏيو آهي. ميڊيا مطابق پي سي بي جي عبوري انتظاميا ڪرڪيٽ ڪاميٽي جي اجلاس جي حوالي سان سوشل ميڊيا تي مينيجمينٽ ۾ تبديلي جي هلندڙ ٽرينڊس ۽ ان ۾ اڳوڻي چيئرمين نجم سيٺي پاران توثيق ڪرڻ بعد وضاحت ڪئي آهي. پي سي بي جو چوڻ آهي تھ ڪرڪيٽ ڪاميٽي ڪوچز جي مقرري واري طريقيڪار تي غور ڪندي، پر فوري طور تبديلين جو امڪان ناهي. جڏهن تھ هن وقت ترجيح ڊوميسٽڪ ڪرڪيٽ جي اسٽرڪچر کي حتمي شڪل ڏيڻ ئي آهي تھ ڊوميسٽڪ ڪرڪيٽ کي بحال ڪري سگهجي.