ڪوڪو گاف ۽ ايوانز سٽي اوپن ٽينس ٽرافي کٽي ورتي

آمريڪا جي ويمنز ٽينس اسٽار ڪوڪو گاف ڪيريئر ۾ چوٿون ڀيرو ڊبليو ٽي اي سٽي اوپن ٽينس ٽورنامينٽ جي ٽرافي کٽي وررتي آهي. جڏهن تھ مينز ۾ انگلش رانديگر ڊين ايوانز ڪاميابي ماڻي آهي. ميڊيا مطابق ايونٽ جي ويمنز سنگلز جي فائنل ۾ آمريڪا جي ڪوڪو گاف سخت مقابلي بعد يونان جي رانديگرياڻي ماريا سڪاري کي شڪست ڏئي ٽرافي حاصل ڪري ورتي آهي.

جڏهن تھ مينز سنگلز ۾ برطانيا جي رانديگر ڊين ايوانز وري هالينڊ جي ٽينس اسٽار ٽيلن گريڪ اسپور کي هارايو آهي.