ايشيا ڪپ جي پاڪستان ۾ رٿيل ميچن واري مرحلي لاءِ ٽڪيٽن جو وڪرو سڀاڻي کان شروع ٿيندو. ميڊيا مطابق پي سي بي ٽڪيٽن جي وڪري جو اعلان ڪيو آهي، جڏهن تھ ٽڪيٽن جي قيمتن جو اعلان بعد ۾ ڪيو ويندو. پي سي بي موجب ايشيا ڪپ 15 سالن بعد ٿئي پيو، ٽڪيٽن جا اگهه مناسب رکيا آهن، جنهن ۾ پهرين مرحلي ۾ ملتان اسٽيڊيم ۽ لاهور جي قذافي اسٽيڊيم جي وي آئي پي ۽ پريميئر جي انڪلوزرس جي ٽڪيٽن جا اگهه جاري ٿيندا، ٻئي مرحلي ۾ 14 آگسٽ تي مختلف انڪلوزرس جي ٽڪيٽن جا اگهه سامهون ايندا. پي سي بي چيو آهي تھ ايونٽ جي سريلنڪا واري مرحلي لاءِ ٽڪيٽن جا تفصيل بعد ۾ جاري ڪيا ويندا.
