مسلم ليگ (ن) جي قائد ميان نواز شريف جي اڳوڻي اولمپيئن ۽ قومي هاڪي ٽيم جي اڳوڻي ڪپتان اختر رسول ملاقات ڪئي آهي، جنهن ۾ پاڪستان ۾ هاڪي اندر بهتري آڻڻ تي غور ويچار ٿيو آهي. ميڊيا مطابق اڳوڻي اولمپيئن اختر رسول لنڊن ۾ نوازليگ قائد نواز شريف سان ملاقات ڪري هاڪي جي خراب مامرن تي بھ ويچاريو آهي. جڏهن تھ ملاقات ۾ هاڪي ۾ بهتري بابت تجويزن تي ڳالهايو ويو، جنهن تي نواز شريف پاران سهڪار جي خاطري ڪرائي وئي آهي. اختر رسول تجويز ڏيندي چيو تھ پاڪستان هاڪي ۾ صاف ۽ شفاف چونڊون ڪرائڻ سان بهتري اچڻ جي اميد آهي. هن چيو تھ ڊي نوٽيفائي عهديدارن کي فارغ ڪرڻ بعد پاڪستان ۾ هاڪي اندر سڌارا آڻڻ ممڪن ٿيندو.
