ايشيا ڪپ لاءِ ڪمنٽري پينل جو اعلان، رميز کي وارو نھ مليو

ايشيا ڪپ جي ميگا ايونٽ جي ڪمنٽري پينل جو اعلان ڪيو ويو آهي، جنهن ۾ پي سي بي جو اڳوڻو چيئرمين رميز راجا کي شامل نھ ڪيو ويو آهي. ميڊيا مطابق براڊڪاسٽرز پاڪستان مان اڳوڻي وسيم اڪرم، وقار يونس، عامر سهيل ۽ بازيد خان جي ڪمنٽري پينل ۾ شموليت ڄاڻائي ڇڏي آهي. جڏهن تھ ڀارت مان روي شاستري، هرڀجن سنگهه، عرفان پٺان، گوتم گمڀير، سنجي بنگر، پيوش چاولا بھ ڪمنٽري ڪندا، اينڊي فلاور، ميٿيو هيڊن ۽ سريلنڪا جو مارن اتاپٽي بھ پينل ۾ شامل آهن.