ورلڊ ڪپ کان اڳ ڀارتي ٽيم ۾ نائب ڪپتاني جي ويڙهه

ايشيا ۽ ورلڊ ڪپ جي مقابلن کان اڳ ئي ڀارتي ٽيم ۾ نائب ڪپتاني جي ويڙهه شروع ٿي وئي آهي. ميڊيا مطابق جسپريت ڀمراهه پاران آئرلينڊ خلاف ڌماڪيدار واپسي بعد آل رائونڊ ر هاردڪ پانڊيا جي پوزيشن ٽيم ۾ ڪمزور نظر اچي رهي آهي، تنهنڪري ڪپتان روهت شرما جي نائب طور جسپريت ڀمراهه ساڻس اڳيان آهي. رپورٽ ۾ ڄاڻايو ويو آهي تھ هاردڪ پانڊيا ڪپتان طور ويسٽ انڊيز خلاف سيريز هارائڻ سبب نائب ڪپتان لاءِ مناسب نھ رهيو آهي، پر حتمي فيصلو ٽيم مينيجمينٽ کي ڪرڻو آهي تھ اهي نائب ڪپتان ڪنهن کي مقرر ڪندا.