نيپال ٽي 20 سيريز ۾ پاپوا نيو گينيا کي هارائي ڇڏيو

نيپال جي ٽيم ٽھ ملڪي ٽي 20 ڪرڪيٽ سيريز ۾ پاپوا نيو گينيا کي 37 رنسن تان شڪست ڏئي ڇڏي آهي. ميڊيا مطابق نيپال 7 وڪيٽن تي 203 رنسون ٺاهي وڏو هدف ڏنو، جنهن جي جواب ۾ پاپوا نيو گينيا جا بيٽر آخري اوور ۾ 166 تي آئوٽ ٿي ويا آهن. جڏهن تھ نيپال جا بيٽر دپيندر سنگهه 66، روهت 41 ۽ آصف شيخ 38، عادل 31 رنسون ٺاهي نمايان رهيا. پاپوا نيو گينيا جا چارلي 62 ۽ ٽوني 43 رنسون ٺاهيون، نيپال جي بالر ڪرن ڪي سي 5 ڄڻن جون وڪيٽون ورتيون.