تحريڪ انصاف جا ايم اين ايز نه پهتا، اسپيڪر سڄو ڏينهن انتظار ڪندو رهيو

قومي اسيمبلي جو اسپيڪر راجا پرويز اشرف پنهنجي چيمبر ۾ سڄو ڏينهن تحريڪ انصاف جي ميمبرن جي استيعفى جي تصديق جي لا انتظار ڪندو رهيو پر تحريڪ انصاف جا قومي اسيمبلي ميمبر نه پهتا. ايڪسپريس نيوز موجب تحريڪ انصاف جي 30 اسيمبلي ميمبرن ۽ عوامي مسلم ليگ جي سربراهه شيخ رشيد استيعفى جي تصديق جي لا قومي اسيمبلي نه آيا، اسپيڪر راجا پرويز اشرف 5 ڪلاڪن تائين انتظار ڪندو رهيو. ذريعن موجب اسپيڪر صبح 11 وڳي کان شام 4 وڳي تائين پي ٽي آ ميمبرن جو انتظار ڪندو رهيو، ان دوران پنهنجي چيمبر ۾ موجود رهيو. اسپيڪر هر پي ٽي آ ميمبر لا 5 منٽ مقرر ڪيا هئا ۽ تصديق لا پي ٽي آ جي 30 ميمبرن کي گهرايو هو پر ڪوبه ميمبر پيش نه ٿيو، اسپيڪر قومي اسيمبلي استيعفى جي تصديق لا 10 جون جي ڊيڊ لائين مقرر ڪئي آهي، ذريعن موجب مقرر وقت بعد اسپيڪر قومي اسيمبلي استيعفى بابت پنهنجو فيصلو ڪندو. واضح رهي اسپيڪر ميمبرن کي استعيفى جي تصديق لا گهرايو هو پر ميمبر نه پهتا، ان کان اڳ تحريڪ انصاف جي ميمبرن اسپيڪر آڏو پيش نه ٿيڻ جو فيصلو ڪيو هو.