ايران مان بصر گهرائڻ باوجود ڪجهه هفتن اندر في ڪلو اگهه ٻيهر 200 رپين کان به چڙهي ويو آهي. تفصيل موجب ايران کان بصر درآمد ڪرڻ بعد قيمتن ۾ آيل گهٽتائي عارضي ثابت ٿي آهي ۽ ڪجهه هفتن اندر ئي بصر جي في ڪلو اگهه ڊبل سينچري مڪمل ڪري ورتي آهي، هن وقت ڪراچي جي بچت بازارن ۾ به بصر جو في ڪلو اگهه 150 رپين کان مٿي آهي، جڏهن ته عام بازارن ۾ شهري اڌ ڪلو بصر به 100 رپين ۾ خريد ڪرڻ تي مجبور آهن. ٻئي طرف واپارين جو چوڻ آهي ته ايران مان بصر ايترو گهٽ تعداد ۾ اچي رهيو آهي جو ان جو مارڪيٽ تي اثر پوڻ مشڪل آهي، اگهه مهانگو هجڻ جو ٻيو سبب ايراني بصر معيار ۽ ذائقي ۾ گهٽ هجڻ آهي، جنهن سبب پاڪستاني بصر جو اگهه مسلسل آسمان تي چڙهيل آهي، ان کانسوا ٻوڏ جي ڪري منڊين ۾ بصر جي فراهمي محدود ٿي وئي آهي.
