آسٽريلين اوپن ٽينس ۾ ڪرونا متاثر رانديگر به کيڏڻ لا اهل هوندا

سڊني: آسٽريلين اوپن گرينڊ سلم ٽينس ۾ ڪرونا وائرس کان متاثر رانديگر به کيڏڻ لا اهل هوندا. ٽينس آسٽريليا جي چيف ايگزيڪيوٽو ڪريگ ٽلي جو چوڻ آهي ته رانديگرن کي اهو ٻڌائڻ جي ضرورت ناهي ته انهن وائرس لاءِ ٽيسٽ ڪرائي آهي ۽ جيڪڏهن رانديگر بهتر محسوس ڪن ته ايونٽ ۾ حصو وٺي سگهن ٿا. ڪريگ ٽلي جو چوڻ آهي ته آسٽريلين اوپن دوران ڪرونا جي ٽيسٽ لازمي ناهي، جيڪي ماڻهو بيمار محسوس ڪندا انهن کي گهر ۾ رهڻ لاءِ چيو ويندو. هن چيو ته اسان رانديگرن ۽ 1200 اسٽاف کي واضح ڪري ڇڏيو آهي ته جيڪڏهن صحت خراب آهي ته گهرن ۾ رهو، هن وقت اسان جي لاءِ صورتحال معمول تي آهي، اهو رانديگرن تي آهي ته هو ڪرونا مثبت بابت ٻڌائين. واضح رهي ته آسٽريلين اوپن گرينڊ سلم 16 جنوري کان شروع ٿيندو.