سربيا سان تعلق رکندڙ نواڪ جوڪووچ 10 ڀيرو آسٽريلين اوپن جو چيمپيئن بڻجي ويو آهي، جڏهن تھ يونان جي رانديگر سٽسيپاس اسٽيفانوس کي شڪست ملي آهي. ميڊيا مطابق آسٽريلين اوپن ٽينس ٽورنامينٽ جي فائنل ۾ سربين ٽينس اسٽار ڪرونا ويڪسين نھ ڪرائڻ سبب پابندين بعد اجازت ملندي آسٽريليا جي سرزمين تي پنهنجي فتح جو جهنڊو کوڙي ورتو آهي.
يونان جي نمبر ون ٽينس رانديگر سٽسيپاس مضبوط مخالف خلاف فتح ماڻڻ جي آخري حد تائين ڪوشش ڪئي، پر نواڪ جوڪووچ شاندار راند کيڏندي مٿس فتح حاصل ڪري ورتي آهي. نواڪ جوڪووچ ٽائيٽل واري مقابلي ۾ سٽسيپاس اسٽيفانوس خلاف پهرين رائونڊ ۾ 6، 3 ٻئي ۾ 7، 6 ۽ ٽئين رائونڊ ۾ 7، 6 جي پوائينٽس سان مقابلو کٽي ٽرافي ماڻي آهي.
جڏهن تھ چيمپيئن شپ کٽڻ بعد نواڪ جوڪووچ خوشي ۾ اکين مان ڳوڙها ڳاڙي ويٺو. هوڏانهن سٽسيپاس اسٽيفانوس جو چوڻ هو تھ مان هڪ عظيم رانديگر خلاف کيڏيس، مداحن مون کي بهتر رانديگر بڻايو آهي.
