بلوچستان سان تعلق رکندڙ صدارتي ايوارڊ مليل مشهور لوڪ راڳي بشير بلوچ پنهنجي مداحن کان وڇڙي ويو آهي. ميڊيا مطابق بلوچي ٻولي جو راڳي بشير بلوچ گڙدن جي بيماري ۾ مبتلا هجڻ دوران وفات ڪئي آهي. ميڊيا سان ڳالهائيندي بشير بلوچ جي پٽ محمد رضا والد جي وفات جي تصديق ڪئي ۽ چيو تھ سندس تدفين ڪوئٽا جي اخوند بابا قبرستان ۾ ڪئي وئي آهي. هوڏانهن سنڌ جي وڏي وزير مراد علي شاهه ۽ بلوچستان جي قدوس بزنجو پاران ڏک جو اظهار ڪيو ويو آهي. بلوچستان جي وڏي وزير عبدالقدوس بزنجو چيو آهي تھ بشير بلوچ بلوچي گائيڪي ۾ مقام حاصل ڪيو، هو دنيا ۾ پاڪستان جي تمام وڏي سڃاڻپ هو.
