لاهور: قومي ڪرڪيٽ ٽيم جي اڳوڻي ڪرڪيٽر ۽ پاڪستان سپر ليگ (پي ايس ايل) جي اٺين ايڊيشن ۾ پشاور زلمي جي بيٽنگ ڪوچ ڪامران اڪمل پنهنجي ننڍي ڀاءُ عمر اڪمل جي دفاع ۾ ڳالهائيندي چيو آهي ته عمر اڪمل سان ناانصافي ٿي رهي آهي، ساڻس زيادتي ڪئي وئي، منهنجو خيال آهي ته ناانصافي ان حد تائين ٿيڻ گهرجي ته ايندڙ ماڻهو سبق سکي، پاسيرو ڪرڻ سمجھه کان ٻاهر آهي. ڪامران اڪمل چيو ته عمر اڪمل قومي ٽيم ۾ اچڻ جو اهل آهي، ورلڊ ڪپ ۽ ايشيا ڪپ ويجهو آهن، منهنجي خيال ۾ ٽيم جي مڊل آرڊر کي عمر اڪمل جهڙي رانديگر جي ضرورت آهي، عمر هميشه ٽيم لاءِ کيڏيو آهي.
