پريانڪا چوپڙا جي شرمين عبيد کي ڏکڻ ايشيائي عورت سڏڻ تي عدنان صديقي کي ڪاوڙ

پاڪستان اداڪار عدنان صديقي شرمين عبيد چنائي جي اسٽار وارز جي هدايتڪار بڻجڻ تي بالي ووڊ اداڪارا پريانڪا چوپڙا پاران کيس ڏکڻ ايشيائي عورت سڏڻ تي ڪاوڙ جو اظهار ڪيو آهي. عدنان صديقي سماجي رابطن واري پيج تي لکيو تھ، پريانڪا چوپڙا کي پنهنجي ڄاڻ ۾ درستگي ڪرڻ گهرجي تھ شرمين عبيد چنائي سڀ کان اڳ پاڪستاني آهي، ان بعد اها ايشيائي عورت آهي، تنهنڪري ان کي پاڪستان جي عورت سڏڻ گهرجي. هن لکيو تھ پريانڪا وڏي احترام سان چوان ٿو تھ اوهان پاڻ کي پهرين ڀارتي بعد ۾ ڏکڻ ايشيائي سڏيندا آهيو، تنهنڪري درستگي ضروري آهي.