آئي سي سي ورلڊ ڪپ 2023ع لاءِ ڪواليفائر جي شيڊول جو اعلان ڪري ڇڏيو آهي. ميڊيا مطابق آئي سي سي ٽن هفتن تي ٻڌل اهم ٽورنامينٽ کي ٻن گروپن ۾ ورهائي ڇڏيو آهي، جنهن تحت ويسٽ انڊيز، زمبابوي، نيڌرلينڊ، يو ايس اي ۽ نيپال گروپ اي ۾ شامل ٿي ويا آهن ۽ گروپ بي ۾ سريلنڪا، آئرلينڊ، يو اي اي، عمان ۽ اسڪاٽ لينڊ جڳهه ٺاهي ورتي آهي. زمبابوي ۾ 18 جون کان 9 جولائي تائين رٿيل مقابلن ۾ ٻھ ڀيرا فاتح ويسٽ انڊيز بھ ڪواليفائي ڪرڻ وارن جي فهرست ۾ شامل ڪيو ويو، رائونڊ ميچن بعد سپر سڪس مقابلا ٿيندا، فائنل 9 جولائي تي هراري ۾ ٿيندو.
