مانچيسٽر سٽي پهريون ڀيرو چيمپيئنز ليگ ٽرافي کٽي ورتي ٽورنامينٽ پنهنجي نالي ڪري ورتي آهي. ميڊيا مطابق استنبول جي اتا ترڪ اسٽيڊيم ۾ کيڏيل فائنل ۾ مانچيسٽر سٽي انٽر ملان کي شڪست ڏئي ٽرافي حاصل ڪري ورتي آهي. ان کان اڳ ميچ جي 58هين منٽ تائين ٻنهي ٽيمن جا رانديگر شديد ڪوشش ڪرڻ باوجود گول ڪرڻ ۾ ڪامياب نھ ٿيا هئا، جنهن سبب ميچ انتهائي دلچسپ بڻجي وئي. جڏهن تھ ميچ جي 58هين منٽ ۾ مانچيسٽر سٽي جي رانديگر روڊري فائنل جو اڪيلو گول ڪري برتري ماڻي ورتي، هوڏانهن انٽر ملان جا رانديگر ڪوشش باوجود ڪوبھ گول نھ ڪري سگهيا ۽ شڪست کائي ويا آهن.
