ڀارت ۾ رٿيل آئي سي سي ون ڊي ورلڊ ڪپ 2023ع جي شيڊول ۾ دير ٿيڻ سبب مداحن جون پريشانيون وڌي ويون آهن، ڇاڪاڻ تھ اهي ميچن کي ڏسڻ جي رٿابندي گهٽ وقت رهڻ باوجود نھ ڪري سگهيا آهن. ميڊيا مطابق ڀارتي اختيارين پاران ويزائون جاري ڪرڻ جي شيڊول توڙي ميچن جا وينيوز تبديل ٿيڻ جا امڪان ڏيکاريا پيا وڃن، جنهن سبب ڪرڪيٽ شوقينن آڏو هوٽلن جي بڪنگ ۽ ايئر ٽڪيٽن جا مسئلا بھ سامهون اچڻ لڳا آهن، ڇاڪاڻ تھ ڪرڪيٽ شوقين شيڊول پڌرو ٿيڻ تي هوٽلن جي بڪنگ سميت ويزا ۽ ٻين سمورن مسئلن کي وقت سر حل ڪري ڇڏيندا آهن، پر هن ڀيري اهي اٽڪيل آهن.
