پي سي بي مينيجمينٽ ڪاميٽي جي چيئرمين ذڪا اشرف قومي ڪرڪيٽرن جي سينٽرل ڪانٽريڪٽ جي رقم ۾ ٻيڻ تي واڌ جو اعلان ڪري ڇڏيو آهي. پي سي بي سربراهه ذڪا اشرف لاهور ۾ جشن آزدي جي تقريب کي خطب دوران مينز ۽ ويمنز ڪرڪيٽرن کي تحفو ڏنو آهي. هن جو چوڻ هو تھ اسان قومي ڪرڪيٽرن جي سينٽرل ڪانٽريڪٽ جي رقم کي ٻيڻو ڪري ڇڏيو آهي، ويمن ڪرڪيٽرن جي معاوضن ۾ بھ واڌ ڪيون پيا، جڏهن تھ فرسٽ ڪلاس سيزن ۾ ڊوميسٽڪ ۾ ڪانٽريڪٽ ڏنو ويندو. هن چيو تھ راندين ۾ عورتن جي شرڪت وڌائڻ لاءِ پليئر ڊولپمينٽ پروگرام شروع ڪيون پيا، جنهن جو پلان جوڙيو ويو آهي. هن چيو تھ منهنجي اڳوڻي دور ۾ چيمپيئنز ٽرافي کٽي هئي، اميد آهي تھ هن ڀيري ايشيا ڪپ کٽينداسين، جنهن لاءِ ڪهڙا بھ قدم کڻڻا پيا تھ کنيا ويندا، ڇاڪاڻ تھ مان ٽيم کي هر سطح تي ٽاپ ٿري ۾ ڏسڻ چاهيان ٿو.
