ايڊيٽوريل ۽ ڪالم

ٻوڏ متاثرن لاءِ وڌيڪ امداد جو مطالبو

Editorial

ٻوڏ کي ڪجهه مهينا گذري چڪا آهن پر ٻوڏ متاثرن جي حالت ڪا گهڻي بهتر نه ٿي سگهي آهي. جيتوڻيڪ ٻوڏ متاثرن جي واپسيءَ جو سلسلو به شروع ٿي ويو آهي ۽ اهي پنهنجن گهرن ڏانهن موٽي رهيا آهن پر تنهن هوندي به هڪ وڏو انگ انهن ٻوڏ متاثرن جو آهي، جيڪي اڃا تائين ڪئمپن ۾ موجود آهن يا وري ان انتظار ۾ آهن ته ٻوڏ جو پاڻي سندن علائقن مان گهٽجي وڃي ته اهي پنهنجن اجهن ڏانهن وري وڃن. جڏهن ته سنڌ حڪومت جي دعويٰ آهي ته سنڌ مان ستر سيڪڙو علائقن مان پاڻي نيڪال ٿي چڪو آهي. پر ٻئي پاسي اڻپوري امداد لاءِ دانهون پڻ ٿي رهيون آهن، جنهن مان لڳي ٿو ته بوڏ متاثرن جي بحالي مڪمل طور تي ٿيڻ ۾ اڃا به گهڻو وقت لڳي سگهي ٿو.

سنڌ اسيمبليءَ جي وقتي اسپيڪر ۽ پارلياماني ڪميٽي براءِ ٻوڏ متاثر، رليف ۽ بحاليءَ جي چيئرپرسن ريحانه لغاري چيو آهي ته سياري جي موسم شروع ٿيڻ واري آهي ۽ هن وقت تائين سنڌ جي ڪيترن ئي علائقن ۾ برسات جو پاڻي بيٺل آهي، جنهن جي سبب ٻوڏ متاثرن جي مسئلن ۾ غير معمولي اضافو ٿي ويندو. دوائن، کاڌ خوراڪ، گرم ڪپڙن، خيمن، ٽوائلٽس ۽ ٻين سامان جي گهرج به وڌي ويندي. حڪومت چاهي ٿي ته اهي مسئلا عالمي ۽ قومي فلاحي تنظيمن سان گڏجي حل ڪيا وڃن. اهڙن خيالن جو اظهار هن سنڌ اسيمبليءَ جي بلڊنگ جي ڪميٽي روم ۾ ٻوڏ متاثر علائقن ۾ رليف ۽ بحالي جي ڪمن جي نگراني لاءِ جوڙيل سنڌ اسيمبليءَ جي 11 رڪني پارلياماني ڪميٽي جي ٻئي اجلاس جي صدارت ڪندي ڪيو. اجلاس ۾ ميمبر سنڌ اسيمبلي سيد اويس قادر شاهه، گهنور علي خان اسراڻ، سچانند لکواڻي، عبدالجبار خان ۽ سيڪريٽري سنڌ اسيمبلي عمر فاروق ٻرڙو شرڪت ڪئي. جڏهن ته سنڌ اسيمبلي جي ميمبر ۽ صحت ۽ گڏيل قومن جي پارلياماني سيڪريٽري قاسم سومرو، گڏيل قومن جي ريزيڊنٽ ڪوآرڊينيٽر فار پاڪستان جولين هارنيز، ڊبليو ايڇ او جي نمائندي ڊاڪٽر سارا سلمان، ايف اي او اشرف علي، يو اين ايف پي اي بي رام گل، ڊبليو ايف پي مس سلميٰ ۽ مس جوڊي، يونيسيف پريم چند. ، NHN، CSSP، IOM ۽ ٻين صحت، غذا، واش ۽ هائوسنگ جي مسئلن تي جاري امدادي ڪم جي حوالي سان تفصيلي بريفنگ ڏني. اجلاس کي بريفنگ ڏيندي سنڌ اسيمبليءَ جي ميمبر ۽ صحت واري پارلياماني سيڪريٽري قاسم سومري چيو ته ناڻي کاتي کي چيو ويو آهي ته دوائن جي خريداري لاءِ فنڊ جاري ڪيا وڃن ته جيئن دوائن جي خريداري ڪري سگهجي. هر ضلعي ۾ اسان کي فوري طور تي بين الاقوامي ادارن جي تربيت ۽ بحالي جي ضرورت آهي. ٻوڏ کان پوءِ عالمي بئنڪ ۽ گڏيل قومن سان ڳالهيون جاري آهن ته جيئن ثانوي صحت جي سارسنڀال جي سهولتن جي بحالي ۾ مدد ڪري سگهجي. پارلياماني ڪميٽيءَ جي ميمبرن جي سوالن جا جواب ڏيندي پاڪستان ۾ گڏيل قومن جي ريزيڊنٽ ڪوآرڊينيٽر برائوني رسلز چيو ته اسان هتي پنهنجي امدادي ڪم جا تفصيل ٻڌائڻ لاءِ گڏ ٿيا آهيون. محدود مالي وسيلن جي ڪري ۽ امداد نه ملڻ ڪري 100 سيڪڙو متاثر علائقن ۾ ڪم نه ڪري سگهيا آهيون، اسان گڏيل قومن ۽ پاڪستان جي عوام آڏو جوابده آهيون. اسان کي گڏجي ڪم ڪرڻ جي ضرورت آهي ۽ عالمي برادري کان وڌيڪ مالي مدد جي اپيل ڪريون ٿا، متاثرن جي امداد انتهائي ناقص آهي. عالمي برادريءَ کي گهرجي ته هو ٻوڏ جي تباهيءَ بابت موثر ۽ واضح پيغام ڏئي.
سياري جي مند ذري گهٽ شروع ٿيڻ واري آهي، ان مند ۾ ٻوڏ متاثرن لاءِ پريشانيون وڌڻ جا امڪان چٽا آهن. تنهنڪري جن خدشن جو اظهار ڪيو پيو وڃي، ان پاسي ڌيان ڏيڻ جي ضرورت آهي. ڇاڪاڻ ته ٻوڏ متاثر هن وقت به ڪئمپن ۾ رهيا پيا آهن، جتي انهن کي دوائن ۽ کاڌ خوراڪ سان گڏ سيءَ کان بچڻ لاءِ گرم ڪپڙن جي پڻ ضرورت آهي. تنهنڪري اهي سڀئي ضرورتون پوريون ڪرڻ جون ڪوششُون ڪيون وڃن.

سان لاڳاپيل آرٽيڪل

Leave a Reply

Your email address will not be published. Required fields are marked *

Back to top button