ماڻهن وٽ کاڌو ناهي، دپيڪا جي ڪپڙن تي بحث پيا ٿين: رتنا پاٺڪ

بالي ووڊ اداڪارا رتنا پاٺڪ شاهه رخ خان جي فلم پٺان خلاف جاري مهم تي شديد ڪاوڙ جو اظهار ڪندي چيو آهي تھ ماڻهن وٽ پيٽ ڀرڻ خاطر ماني ناهي ۽ هتي دپيڪا پڊوڪون جي ڪپڙن تي بحث ڪيا پيا وڃن. ميڊيا سان ڳالهائيندي هن جو چوڻ هو تھ فلم پٺان ۾ دپيڪا جي زعفراني لباس کي کڻي انتهاپسند ۽ ڪجهه ٻيا سياسي تنظيمون احتجاج ۽ بائيڪاٽ جا اعلان ڪري رهيون آهن، جيڪو کليل نموني سان بيوقوفي جو اظهار آهي.