اشنا شاهه گالفر سان مڱڻي ڪري ڇڏي، شادي جي تياري شروع

پاڪستان جي خوبصورت اداڪارا اشنا شاهه بھ شادي جي تياري ڪري ورتي آهي، جنهن ملڪ جي مشهور گالفر حمزا امين سان مڱڻي ڪري ورتي آهي. ميڊيا مطابق اشنا شاهه مڱيندي حمزا سان گڏ تصوير شيئر ڪندي مڱڻي جي آگاهي ڏني ۽ ڪيپشن ۾ لکيو تھ حمزا امين منهنجو مسنگ پزل آهي. هوڏانهن حمزا امين پڻ اشنا شاهه سان گڏ تصوير شيئر ڪندي تصديق ڪئي ۽ لکيو تھ منهنجي مڱيندي سان ملي وٺو، منهنجي دل هن جي پناهگاهه آهي ۽ کليل ٻانهون هن جو گهر هونديون.