آرمي چيف جنرل قمر جاويد باجوه چيو آهي ته پاڪ فوج هڪ پيشيور ادارو هئڻ سبب پاڪستان جي سلامتي ۽ خودمختياري جي حوالي سان پنهنجي ذميوارين کي هميشه هڪ مقدس فرض طور تي پورو ڪندي. پاڪ فوج جي ترجمان اداري آ ايس پي آر موجب جي ايڇ ڪيو ۾ آرمي چيف جنرل قمر جاويد باجوه جي صدارت ۾ 80هين فارميشن ڪمانڊرز ڪانفرنس منعقد ڪئي وئي، جنهن ۾ ڪور ڪمانڊرز، پرنسپل اسٽاف آَفيسرز ۽ پاڪ فوج جي سمورن فارميشن ڪمانڊرز شرڪت ڪئي. آ ايس پي آر موجب شرڪت ڪندڙن کي پيشيوراڻي معاملن، قومي سلامتي جي چئلينجز ۽ جوابي قدمن تي بريفنگ ڏني وئي. آرمي چيف جنرل قمر جاويد آپريشن ردالفساد جي اڳڀرائي تي اطمينان جو اظهار ڪيو ۽ هينئر تائين جي ڪاميابين جي تعريف ڪئي. آرمي چيف جيو اسٽريٽيجڪ ماحول کي تيار ڪرڻ جي تناظر ۾ آپريشنل تياري جي اعلى معيار کي برقرار رکڻ تي خصوصي زور ڏنو. آرمي چيف چيو ته پاڪ فوج هڪ پيشيور ادارو هئڻ سبب پاڪستان جي سلامتي ۽ خودمختياري جي حوالي سان پنهنجي ذميوارين کي هميشه هڪ مقدس فرض طور تي پورو ڪندي. پاڪ فوج ملڪي سلامتي، خودمختياري جي تحفظ لا هميشه پنهنجي پيشيوراڻي ذميواري پوري ڪندي.
سان لاڳاپيل آرٽيڪل
پڻ چيڪ ڪريو
Close