ٽنڊوڄام: سنڌ زرعي يونيورسٽي جي ميزباني هيٺ، هائير ايجوڪيشن ڪميشن جي سهڪار سان ٽيلينٽ هنٽ يوٿ اسپورٽس ليگ سنڌ ريجن ۾ ريسلنگ جا مقابلا يونيورسٽي جي اسپورٽس ڪامپليڪس ۾ جاري آهن، گذريل ڏينهن جي ريسلنگ جي سنڌ ريجن جي مقابلن 57 ڪلوگرام ويٽ ۾ شهيد بينظير آباد جي محمد وسيم گولڊ ميڊل، ڪراچي جي شايان مهدي سلور ميڊل ۽ حيدرآباد جي سلمان برائون ميڊل حاصل ڪيو، جڏهن ته 61 ڪلوگرام ويٽ ۾ ڪراچي جي ضيا الله گولڊ ميڊل، لاڙڪاڻي جي عبدالسميع سلور ميڊل ۽ حيدرآباد جي محمد عثمان برائون ميڊل حاصل ڪيو، 86 ڪلوگرام ويٽ ۾ ڪراچي جي محمد سجاول گولڊ ميڊل، حيدرآباد جي اسحاق سلور ميڊل ۽ سکر جي وقار احمد برائون ميڊل حاصل ڪيو. 125 ڪلوگرام ويٽ ۾ لاڙڪاڻي جي محمد موسيٰ گولڊ ميڊل، سکر جي ظفر علي سلور ميڊل ۽ شهيد بينظير آباد جي عبدالڪريم برائون ميڊل حاصل ڪيو.
