ايشز جي چوٿين ميچ جي ٻئي ڏينهن تي آسٽريليا انگلينڊ خلاف 416 رنسن تي پنهنجي اننگ ڊڪليئر ڪري ڇڏي آهي، سندس 8 بيٽر آئوٽ ٿي ويا آهن. ميڊيا مطابق ايشز جي چوٿين ٽيسٽ جي پهرين اننگ ۾ بيٽرن جارحاڻي راند کيڏي، اسٽيو سميٿ 67 رنسون ٺاهيون هيون. آسٽريليا جي بيٽرن عثمان خواجا 137 جي اننگ کيڏي آهي ۽ ڊيوڊ وارنر 30، هيريس 38، ليبوشين 28 رنسون ٺاهيون، جنهن بعد ڪپتان پيٽ ڪمنز 8 وڪيٽن جي نقصان تي راند ختم ڪئي. جڏهن تھ انگلينڊ جي بالر اسٽيورٽ براڊ 5 وڪيٽون ورتيون آهن، ان سان گڏ مارڪ ووڊ ۽ جوئي روٽ بھ هڪ هڪ وڪيٽ وٺي ويا آهن. هوڏانهن آسٽريليا جي پهرين اننگ جي موٽ ۾ انگلينڊ جي بيٽرن حسيب حميد ۽ زيڪ ڪرائولي جي ٻن ٻن رنسن سان گڏ 13 اسڪور ٿي ويو هو.
