انويسٽمينٽ کاتي ۽ پبلڪ پرائيويٽ پارٽنرشپ پروجيڪٽس بابت وزير اعليٰ سنڌ جي خاص معاون سيد قاسم نويد قمر چيو آهي ته ذهني ۽ جسماني واڌ ويجهه جي لاءِ تعليم سان گڏ رانديون ضروري آهن، فٽبال راند کيڏڻ سان ذهني ۽ جسماني طاقت جو مضبوط هئڻ ضروري آهي.
اهڙن خيالن جو اظهار هن ڳوٺ باقر نظاماڻي ضلعي ٽنڊو محمد خان ۾ ٽنڊو محمد خان فٽبال اڪيڊمي ۾ انعامن جي ورهاست واري تقريب ۾ بحيثيت مهمان خاص خطاب ڪندي ڪيو.
ان موقعي تي هن سان گڏ سنڌ اسيمبلي جو ميمبر عبدالڪريم سومرو، علي رضا ٽالپر، پير عاقب جان سرهندي ۽ ٻيا موجود هئا.
