بنگلاديش جي ڪرڪيٽ ٽيم سريلنڪا خلاف ٻي ٽيسٽ جي ٻئي ڏهاڙي 365 رنسون ٺاهي آئوٽ ٿي وئي آهي. جڏهن تھ موٽ ۾ سريلنڪا 2 وڪيٽن تي 143 رنسون ٺاهي ورتيون آهن. ميڊيا مطابق ڍاڪا ٽيسٽ جي ٻئي ڏينهن واري راند ۾ بنگلاديش جو بيٽر مشفيق الرحيم 175 رنسن تي ناٽ آئوٽ رهيو. جڏهن تھ لٽن داس 141 رنسون ٺاهي پويلين واپس ويو، اهڙي ريت ٽي بيٽر ٻڙي تي ويا ۽ تيج الاسلام 15 ٺاهي سگهيو. هوڏانهن سريلنڪا جو ڪپتان ڊيموٿ ڪرونارتني 70 رنسن سان ڪريز تي موجود آهي، اوشاڊا فرنانڊو 57 ۽ ڪوشل مينڊس 11 تي آئوٽ ٿي ويو آهي. سريلنڪن بالرن مان ڪيسون رجيٿا 5 ۽ اسيٿا فرنانڊو 4 وڪيٽون ورتيون آهن.
